Исламбек Қуат ойнайтын ресейлік командадаға техникалық жеңіліс жазылатын болды

Қазақстан құрамасының жартылай Исламбек Қуат өнер көрсететін "Оренбург" командасының алдағы кездесуі өтпейтін болды. 24 турда бұл команда "Краснодарға" қарсы кездесу өткізу керек еді. 

Команданың алты футболшысы және екі қызметкері вирус жұқтырып алған. Ұжым карантинге кеткен. Сол үшін ойын өтпейтін болды. 

Исламбек Қуат ойнайтын ресейлік командада эпидемия басталды.

"Футболшылар мен команда қызметкерлерінен вирустың шығуына байланысты "Оренбург" алдағы турда "Краснодарға" қарсы кездесуді өткізбейтін болды. Клуб футболшылар мен жанкүйерлерді қиын жағдайға қалдырғысы келмейді. Сонымен қатар алдағы кездесуге жастар құрамасын да шығармау туралы шешім қабылданды. Өйткені, біздің жастар құрамамыз жаттығу жасаған жоқ. Лайықты қарсылық көрсете алмайды. 

Қарсыласымыз "Краснодар" командасын сыйлаймыз. Ойынды кейінге шегеріп, оларды да қиын жағдайға қалдырғымыз келмейді. 

"Оренбург" клубы бұл жағдай үшін барлық жанкүйерлерден кешірім сұрайды. Команда келесі ойынға жаттығу жұмыстарын жасап, Ресей біріншілігінде қалу үшін барлығын жасайды", - делінген клубтың ресми хабарламасынды. 

.Ресей Премьер лигасының өкілдері техникалық жеңіліске байланысты соңғы шешімді Ресей футбол федерациясы шығаратынын айтты. Ал клубтың бас директоры "Спорт-Экспресс" басылымына берген сұқбатында командаға 0:3 есебімен жеңіліс тіркелетінін айтты. 

"Шамасы бізге техникалық жеңіліс жазылатын шығар", - деді Андреев. 

Мамыр айының соңында "Оренбургтің" бас бапкері Платон Захарчуктан вирус шығып еді. Ал шабуылшы Андреа Чуканова, жартылай қорғаушы Филип Рогич пен Жига Шкофелка және физикалық дайындықты қадағалайтын бапкер Евгений Стукаловтан антидене табылды.

Үзілістен кейін жалғасқан біріншілікте "Оренбург" бір ойын өткізді. Мәскеулік "Локомотивпен" болған кездесу олар 0:1 есебімен жеңіліп қалды.