Италия Суперкубогінің жеңімпазы анықталды, деп хабарлайды Vesti.kz тілшісі.
"Джузеппе Меацца" атындағы стадионда өткен матчта "Интер" мен "Ювентус" кездесіп, миландықтар овертаймның соңғы секундтарында жеңіске жетті.
"Интер" сапында Лаутаро Мартинес (35-минут, пенальти) пен Алексис Санчес (120+1) гол салса, "Ювентус" сапында Уэстон Маккени (25-минут) ерекшеленді.
"Интер" өз тарихында Италия Суперкубогін алтыншы рет иеленді. Ал "Ювентус" аталмыш жетістікке тоғыз рет жеткен. Италия футболының тарихында Суперкубокті ең көп ұтқан "кәрі сеньоралар".