Алматылық "Қайрат" Чемпиондар лигасының жалпы кезеңі аясында миландық "Интермен" кездеседі, деп хабарлайды Vesti.kz.
Миландық клубтың баспасөз қызметі турнирдің жеребесіне әзілмен жауап берді. "Қайратпен" өтетін матч аңызға айналған "Сан-Сиро" (Джузеппе Меацца) стадионында, Миланда өтеді.
"Интердің" ресми X әлеуметтік желісіндегі парақшасында қызықты коллаж жарияланды: алғашында көңілсіз көрінген иттің бейнесі, "Қайратпен" ойынды естіген соң және ойынның өз алаңында өтетінін білген сәтте қуана жымияды.
"Сегіз сағат жол үнемделді", – деп жазылды жарияланымда.
8 hours of travel saved ✈️?#ForzaInter #UCLDraw pic.twitter.com/2wsjB5YQTA
— Inter ⭐⭐ (@Inter_en) August 28, 2025
Естеріңізге сала кетейік, "Интерден" бөлек, "Қайраттың" қарсыластары қатарында мадридтік "Реал" бар – бұл клубпен алматылықтар өз алаңында ойнайды. Сонымен қатар, Қазақстанға бельгиялық "Брюгге", грекиялық "Олимпиакос" және кипрлік "Пафос" келеді.
Сырт алаңда "Қайрат" миландық "Интерден" бөлек, лондондық "Арсеналмен", даниялық "Копенгагенмен" және португалиялық "Спортингпен" кездеседі.
Жарнама