"Манчестер Сити" клубының бас бапкері Хосеп Гвардиола қызметінге ұқсайды Бұл туралы инсайдер Фабрицио Романо мәлімдеді, деп хабарлайды Vesti.kz.
Гвардиоланың "Ситидегі" дәуірі аяқталып келеді
Романоның айтуынша, Гвардиола жазда "Ситиден" кетуі ықтимал. Бұл оның ағылшын клубындағы он жылдық кезеңінің аяқталуына әкелуі мүмкін.
"Бұл туралы осы жағдайға қатысы бар адамдар айтып отыр. Бірақ бұл түпкілікті шешім емес. Әзірге ресми түрде жарияланған жоқ. Қазіргі кезеңде ештеңеге кепілдік жоқ. Қазір ақпан айы ғана, әлі ерте, сондықтан алда не болатынын күтейік.
Менің ойымша, Англия премьер-лигасы мен Чемпиондар лигасындағы маусым қорытындысынан кейін Пептің қалай әрекет ететіні белгілі болады. "Манчестер Сити" маусым соңында Пеп кетуге шешім қабылдауы мүмкін екенін түсінеді, сондықтан ықтимал үміткерлерді қарастырып жатыр", - деді Романо өзінің YouTube-арнасындағы шығарылымында.
Гвардиоланың ықтимал мұрагері кім болатыны айтылды
Сондай-ақ Романо Гвардиола кеткен жағдайда жазда "қалалықтарды" кім тізгіндейтінін айтты. Негізгі үміткер - Жаңа жыл қарсаңында "Челси" қызметінен босатқан Энцо Мареска екен.
"Мен әлі де Энцо Маресканың есімін атап отырмын. Ол қазір бос. Әрине, біз маусым соңын айтып отырмыз. Жалпы алғанда, алдын ала айтсам, Энцо Мареска - "Манчестер Сити" бұрыннан қарастырып жүрген кандидат.
Гвардиола Энцо Маресканы жас әрі талантты бапкер ретінде жоғары бағалайды. Ол "Ситиде" жұмыс істеген, команданы жақсы біледі, премьер-лигада тәжірибесі бар, "Манчестер Сити" мен "Челсимен" бірге трофейлер жеңіп алған. Сондықтан "Ситиде" оны жақсы біледі", - деп қосты Романо.
Хосеп Гвардиола 55 жаста. Испаниялық маман "Манчестер Ситиді" 2016 жылдан бері жаттықтырып келеді. Оның жетекшілігімен команда алты рет Англия чемпионы атанды, екі рет Англия кубогін, төрт рет Англия лигасы кубогін жеңіп алды. 2023 жылы "Сити" Чемпиондар лигасын ұтты.
Бұған дейін Гвардиола каталониялық "Барселона" мен мюнхендік "Баварияны" жаттықтырып, аталған клубтармен бірге 21 трофей жеңіп алған болатын.
Жарнама