Инсайдер "Астана" командасына трансфер жасауға тыйым салынғанын хабарлады

Елордалық "Астана" командасына трансферлік бан қойылды, деп хабарлайды "Тень отца Гурмана" телегарм-каналы. Мұндай жаза командаға ұжымның бұрынғы бапкері Роман Григорчукке қарызын бермеген соң қолданылған. 

"Астана" командасына трансфер жасауға тыйым салында. Лорияның командадан кеткені де көмектеспеді. Елордалық клуб команданың бұрынғы бапкері Роман Григорчукке қарызын бермеген соң осылай жазаланды. Бұған Лорияның еш қатысы жоқ. Себебі осы жағдай Лорияның алдындағы басшы, Пол Эшуорттың кезінде болған", - деп жазады дереккөз. 

Еске салайық, Давид Лория қызметінен 18 тамыз күні кетті. Дәл сол күні "Астана" Тастанбек Есентаевты бас директор қызметін уақытша атқарушы ретінде тағайындалды. Ал Гругорчук болса команданы 2018 және 2019 жылдары жаттықтырды.