Англия премьер-лигасының 21-турында «Манчестер Сити» өз алаңында күтпеген жерден «Брайтонмен» тең түсіп қалды, деп хабарлайды Vesti.kz.
Манчестер қаласындағы «Этихад» стадионында өткен кездесу 1:1 есебімен аяқталды. 41-минутта Эрлинг Холанд пенальтиден есеп ашса, қонақтар сапынан 60-минутта Каору Митома дәл соққымен жауап қайтарды.
Өзбекстан құрамасының қорғаушысы Абдукодир Хусанов «Манчестер Сити» сапында негізгі құрамда алаңға шығып, матчты толық өткізді.
Осы нәтижеден кейін «Манчестер Сити» 43 ұпаймен АПЛ турнирлік кестесінде екінші орында тұр. Ал «Брайтон» 29 ұпай жинап, оныншы орынға жайғасты.
Келесі турда «Манчестер Сити» 17 қаңтарда сырт алаңда «Манчестер Юнайтедпен» матч өткізеді, ал «Брайтон» 19 қаңтарда өз алаңында «Борнмутты» қабылдайды.
Highlights from our draw with Brighton in the @premierleague ? pic.twitter.com/HmlFHT2q8o
— Manchester City (@ManCity) January 8, 2026
Жарнама