Хорватиялық ойыншы Аргентинамен бүгінгі матч туралы ойындағысын ашық айтты

Хорватия құрамасының ойыншысы Иван Перишич Катарда өтетін әлем чемпионатының жартылай финалындағы Аргентинамен ойынға қатысты пікір білдірді, деп хабарлайды Vecernji List. Сонымен бірге, ол Криштиану Роналду мен Лионель Мессиге салыстыру жасады. 

1/2 финалда Хорватия Аргентинамен, ал өзге матчте Франция мен Марокко ойнайды. 

"Сапында Криштиану Роналду бар Португалия әлем чемпионатынан шығып қалғанын көрдік. Ол бес әлем чемпионатында ойнап, титулды иелене алмай-ақ қойды. Месси де бесінші рет осы турнирді жеңіп алуға тырысуда.

Бізде аянып қалмаймыз, өйткені жеңгіміз келеді. Бұл нағыз ерлердің матчі болады, кім мықты сол жеңсін", - дейді Перишич.