Норвегия құрамасының шабуылшысы Эрлинг Холанд 2026 жылғы әлем чемпионатына қатысуына байланысты алған қосымша демалыстан кейін ағылшынның "Манчестер Сити" клубының жаттығуларына қайта қосылды, деп хабарлайды Vesti.kz.
Холандпен бірге тағы бес футболшы жаттығуға оралдыGoal мәліметінше, Холандпен бірге тағы бес футболшы жаттығу процесіне қосылды. Олардың қатарында бельгиялық вингер Жереми Доку, ағылшындар Эллиот Андерсон, Марк Гехи және Нико О’Райли, сондай-ақ франциялық жартылай қорғаушы Райан Шерки бар.
Футболшылар жазда аяқталған әлем чемпионатынан кейін қосымша демалыс алған болатын. Осыған байланысты олар командаға өзге ойыншылардан кешірек қосылды.
"Сити" маусымдағы алғашқы матчқа дайындалып жатыр"Манчестер Сити" 2026/27 жылғы маусымдағы алғашқы ресми матчын 16 тамызда өткізеді. Команда Англия Суперкубогы үшін "Арсеналмен" кездеседі. Жаңа маусымның алғашқы жүлдесі сарапқа салынатын матч Кардиффте өтеді.
Холандтың оралуы "Сити" үшін айрықша маңызды. Өйткені норвегиялық шабуылшы командадағы негізгі ойыншылардың бірі және басты гол авторы саналады.
"МанСити" АПЛ-да екінші оболдыӨткен маусымның қорытындысы бойынша Англияның он дүркін чемпионы "Манчестер Сити" Премьер-лигада екінші орын алды.
Енді команда жаңа чемпионатқа дайындықты бастап, чемпиондық атақты қайтаруды көздеп отыр.