"Барселона" бас бапкері Хави әлем чемпионы атанған Лионель Мессиді құттықтау керектігін айтты, деп хабарлайды Vesti.kz тілшісі.
"Өмірімде көрген ең керемет ойындардың бірі болды. Менің ойымша, Аргентина жеңіске лайықты түрде жетті. Әрине, командамда ойнайтын Дембеле мен Кунделерге обал болды. Алайда әлем чемпионатын жеңген Мессиді құттықтау керек. Оның карьерасында жетпей тұрған осы кубок еді. Ол футбол тарихындағы ең үздік футболшы және менің жақын досым", - деді Хави "Барселона" клубының арнасына берген сұхбатында.