Англия құрамасының шабуылшысы Харри Кейн УЕФА Ұлттар лигасының 2026/27 жылғы маусымындағы топтық кезеңнің үздік сұрмергені атанды, деп хабарлайды Vesti.kz.
Кейн алты матчта сегіз гол соқты. Оның екеуі пенальтиден енгізілді.
Ал Андри Гудьонсен (Исландия), Виктор Дьёкереш (Швеция), Трой Парротт (Ирландия), Расмус Хойлунд (Дания) және Эрлинг Холандтың (Норвегия) еншісінде алты голдан бар.
Еске салайық, Ұлттар лигасының ширек финалына А лигасындағы әр топтың үздік екі құрамасы жолдама алды. Бұл кезеңнің матчтары наурыз айында өтеді.
Топтық кезең қорытындысы бойынша плей-оффқа Германия, Нидерланд, Франция, Бельгия, Англия, Испания, Португалия және Норвегия құрамалары шықты.
Ширек финалдың жеребе тарту рәсімі 20 қарашаға жоспарланған.
Жарнама