Гвардиола бапкер ретінде трансферге миллиард евро жұмсады

"Манчестер Сити" клубының бас бапкері Хосеп Гвардиола спорттық мансабындағы трансфер сомасын 998,4 миллионға жеткізді. Таяуда ол қорғаушылар үшін рекордтық сомма - 57,5 миллион еуроға Бенжамен Мендиді сатып алды, - деп хабарлайды sports.ru.

Ағылшын клубында каталониялық маман жаңа ойыншыларды 453 миллионға сатып алған. Ал бұған дейін үш жыл ішінде "Бавария" - 203 миллион жұмсаса, "Барселонада" төрт маусымда - 341 миллионға жаңа ойыншылар сатып алған.  

Гвардиола үшін ең қымбат трансфер Златан Ибрагимович болды. Ол "Барселона" клубына 69,5 миллион еуроға келді.