Гарет Бэйл екі голға да ассист жасады. Уэльс Еуропа чемпионатында бірінші жеңісіне жетті

Уэльс құрамасы Еуропа чемпионатының топтық кезеңінде бірінші жеңісіне жетті, деп хабарлайды Vesti.kz.

Бакуде өткен екінші тур матчінде валлиялықтар Түркия құрамасын 2:0 есебімен ұтты. Аарон Рэмзи 42-ші минутта Гарет Бэйлдің алыстан берген пасынан гол салды. 

61-ші минутта Гарет Бэйл пенальти тепті, алайда, қақпадан асырып жіберді.

Ал қосымша уақытта 90+5-ші минутта Бэйл бұрыштан ойынға қосылған допты Коннор Робертске берді, ол өз кезегінде гол сала алды.

Осылайша, Уэльс төрт ұпай жинап А тобында екінші орынға көтерілді, ал екі рет ұтылған Түркия соңғы болып тұр. 

Келесі ойынды Уэльс 20-маусым Италиямен, ал Түркия құрамасы Швейцарияға қарсы өткізеді.