Белгілі футзал маманы Болат Жахин қылмыс жасады деген күдікпен Алматыда ұсталды, - деп хабарлайды
"Гол емес" телеграм арнасы.
Мәлімет бойынша, 16 шілде түнде Жахин итімен серуенге шығып, ерлі-зайыпты адамдармен жанжалдасып қалған. Салдарынан ер адамның басына травматикалық "Оса" тапаншасынан оқ атылған.
38 жастағы ер адам №4 қалалық ауруханаға жеткізілді. Ол бас сүйегі-ми ашық жарақатын алған, бас сүйегін оқ тесіп, бас миы жарақаттанған. Ер адамға ота жасалып, ол есіне келді.
53 жастағы Жахин төреші-информатор болған, ҚФФ футзал және жағажай футболы департаментінің директоры қызметін атқарған, сонымен қоса, Қазақстан құрамасының менеджері және жаңаөзендік "Мұнайшы" МФК спорт директоры болған екен.