Рикардо Камара Собрал (Какау) ресми түрде Қазақстанның футзал құрамасының бас бапкері қызметіне тағайындалды, деп хабарлайды Vesti.kz.
54 жастағы бразилиялық маман қазақстандық футзал жанкүйерлеріне жақсы таныс. Ол бұған дейін 2013–2018 жылдар аралығында Қазақстан құрамасын жаттықтырған. Оның жетекшілігімен ұлттық құрама 2016 жылғы Еуропа чемпионатында қола жүлде жеңіп алып, ел футзалы тарихындағы ең үздік нәтижеге қол жеткізді.
Клубтық деңгейде Какау алматылық "Қайратпен" айтарлықтай жетістіктерге жетті. 2013 және 2015 жылдары ол командамен бірге футзалдан УЕФА Кубогын жеңіп алды. Сонымен қатар, бірнеше мәрте Қазақстан чемпионаты мен Қазақстан Кубогының жеңімпазы атанды.
Сондай-ақ Какау Италия, Румыния, Кувейт, Ирак және Біріккен Араб Әмірліктерінде жұмыс істеген.
Жарнама