Футзалдан 2024 жылғы әлем біріншілігінің іріктеуінде Қазақстанның қарсыласы болуы мүмкін деген құрамалар белгілі болды, деп жазады KazFootball.kz порталы.
Іріктеудің бұл кезеңінде Еуропа құрлығынан 36 құрама қатысады. Олар үш-үштен 12 топқа бөлінеді. Жеребе тарту рәсімі 8 шілде күні өтеді. Іріктеу кезеңінің өзі 2023 жылдың 8 наурызында аяқталады.
Осы іріктеуде Қазақстанның қарсыластары мына құрамалар болуы мүмкін: Испания, Ресей, Португалия, Хорватия, Сербия, Әзірбайжан, Италия, Чехия, Украина, Словения, Босния және Герцеговина, Польша, Финляндия, Румыния, Словакия, Грузия, Беларусь, Нидерланды, Венгрия, Франция, Бельгия, Латвия, Солтүстік Македония, Германия, Черногория, Дания, Кипр, Армения, Косово, Литва, Израиль, Швеция, Аустрия, Молдова, Грекия.