Футболшылардың коронавирусқа неге осал келетіні түсінікті болды

Лондондық "Челси" дәрігері, доктор Ева Карнейро футболшылар COVID-19 вирусын неге тез жұқтыратынын түсіндірді. Маманның сөзін "Матч ТВ" келтіріп отыр.

"Футболшылар өзін вирус алмайды деп ойлайды, бірақ, негізі мүлде олай емес", - дейді Карнейро. Дәрігердің сөзінше, физикалық белсенділік, ауыр жаттығулар организмге ауыртпалық түсіреді. Ұшақпен жиі ұшу да иммунитетке кері әсер етеді. Өйткені жиі ұшу ұйқы тәртібін бұзады. 

Оның үстіне футболшылардың зиянды әдеттері де барын ескере кетті. Футболшыар жаттығу кезінде су ішкен шөлмегін жерге тастай салады, ол қайтадан жәшікке салынады да, сол жерден су құйылған ыдысты басқасы алады. "Міне вирусты таратудың дайын жолы дейді", - дейді дәрігер. 

Мұның алдында "Челси" футболшысы Каллум Хадсон-Одои коронавирус жұқтырғаны хабарланған. 

Сонымен қоса, испаниялық "Валенсияның" бес футболшысы вирус жұқтырғаны туралы белгілі болды.