Футболдан Қазақстан жастар құрамасы Еуро-2021 іріктеу кезеңінде Черногория футболшыларымен кездесіп, ойсырай ұтылды, - деп хабарлайды
Vesti.kz.
Ойын Алматы қаласының Орталық стадионында өтті және 4:0 есебімен қонақтардың пайдасына шешілді.
Жеңімпаздар құрамында Милутин Осмаич (58-ші және 64-ші минуттар) екі гол салды, сондай-ақ Марко Раконяц (80-ші) пен Илия Вукотич (90+2) көзге түсті.
Осы ойыннан кейін жеті ұпай жинаған Қазақстан құрамасы өз группасында төртінші орынға түсті. Оның алдында Солтүстік Македония (7 ұпай) қосымша көрсеткіштерімен алға шықты. Черногорияның да қоржынында 7 ұпай бар және олар бесінші орында тұр.