Футболдан журналистер арасында өткен жарыста EML командасы екінші орын иеленді

Алматы Футбол Федерациясы журналистер арасында ұйымдастырған жарыс аяқталды. Жарысқа Qazaqstan, Qazsport, "Халық Арна", "Атамекен" және Balapan телеарналары, Жұлдыз FM, Vesti.kz, Tenginews.kz, Massaget.kz, Prosport.kz, Nur.kz және 365info.kz сайттарының командалары қатысты.

Өз жолында қарсыласты шақ келтірмеген 365info.kz командасы бірінші орынды иеленді. Қатарынан екінші рет EML (Vesti.kz, Tenginews.kz, Massaget.kz, Жұлдыз FM құрамасы) командасы күміс жүлдені жеңіп алса, үшінші орынға "Атамекен", "31 арна", Almaty tv телеарналары және "Азаттық Радиосы" журналистерінен жиналған "Сборная журналистов" командасы тұрақтады.

Екі айға созылған жарыстың үздік сұрмергені 365info.kz ойыншысы Олжас Қызықбаев болды. Үздік қақпашы Almaty tv журналисі - Мақсат Слямбеков, үздік ойыншы - Effective Media Liaison директоры Сұңқар Қарабалин, ал үздік плеймейкер - "Ұлттық арна" командасының намысын қорғаған Байғайып Байтеміров болды.

Марапаттау рәсімі Bierdeckel pub спорт-барында өтті.

Effective Media Liaison құрамасы Қазақстан Футбол федерациясына турнирді ұйымдастырғаны үшін алғыс білдіреді.

Әлеуметтік желілерде бөлісу