Футболдан Германия чемпионаты мамыр ортасында қайта жалғасады
Германияның футбол лигасы (DFL) басшылығы 15 мамырда коронавирус пандемиясына байланысты тоқтатылған 2019/2020 маусымын қайта жалғастыруды жоспарлап отыр, - деп хабарлайды "Чемпионат" порталы Sport Informations Dienst басылымына сілтеме жасап.
6 мамырда Германия канцлері Ангела Меркель минстрлермен кездесу өткізіп, спорт шараларын бойынша шешім қабылданады. Ал Бундеслиганы қайта жалғастыру мәселесі бөлек қаралады, өйткені лига көптеген жұмыс орындарын іске қосады.
Мұның алдында Германия чемпионатының 2019/2020 маусымы 9 мамырда жанданып, матчтер көрерменсіз өтетіні хабарланған еді.