франциялық белгілі журналист әрі футбол сарапшысы Даниэль Риоло RMC радиосының эфирінде Франция құрамасының 2026 жылғы әлем чемпионатының жартылай финалындағы ойынын қатаң сынады, деп хабарлайды Vesti.kz.
Риоло ұлттық құраманың өнеріне де, матчтан кейінгі талдау жүргізген студияның жұмысына да көңілі толмай, эмоциясын жасырмады.
"Дешамның қоштасуы сәтсіз өтті. After бағдарламасы эфирге шыққан 20 жыл ішінде алғаш рет біз бос сөзден аса алмадық. Біз толықтай сәтсіздікке ұшырадық. Бұған бағдарламаның форматы кінәлі ме, әлде Нью-Йорктың әсері болды ма – білмеймін. Бірақ біз айтып та, істеп те жүргеніміздің бәрі бос әңгіме болды", – деді Риолоға сілтеме жасаған RMC Sport.
Сарапшы әсіресе Франция құрамасының жартылай қорғау шебінің ойынын сынға алды. Оның пікірінше, бұл аймақта испандықтар толық басымдық танытқан.
"Бізде жартылай қорғау шебі әлсіз. Бүгін кешке Тчуамени мен Рабьо Испанияның жартылай қорғаушыларынан жарық жылындай алыс болды", – деді ол.
Еске салайық, Франция құрамасы жартылай финалда Испаниядан 0:2 есебімен ұтылып қалды.
Ал 20 шілдеге қараған түні Нью-Йоркте өтетін финалда "қызыл фурия" Англия мен Аргентина арасындағы екінші жартылай финалдың жеңімпазымен кездеседі. Бұл ойын 16 шілдеге қараған түні Қазақстан уақытымен сағат 00:00-де басталады.