Францияда Месси "Алтын допқа" үміткерлер тізіміне неге кірмегенін түсіндірді

Франциялық L'Equipe басылмы "Неге Месси жоқ, ал Роналду 2022 жылғы "Алтын доп" үміткерлері қатарында бар" атты мақала жариялады, деп хабарлайды "Чемпионат".

Бұл сыйды жеті рет алған және бұл жағынан рекордсмен Лионель Месси 2005 жылдан бері бірінші рет "Алтын доп" үміткерлерінің тізіміне кірмеді. L'Equipe мұның "оқиға" деп атап, Леоның Париждегі бірінші маусымы қызықсыз өткенін, футболшының физикалық күйі нашар болғанын, Маурисио Почеттиномен қарым-қатынаста қиындықтар, Франция чемпионатында бар болғаны алты гол және Чемпиондар лигасының 1/8 финалында "Реалдан" ұтылғаны осындай шешімге негіз болғаны айтылды. 

Ал Криштиану Роналду тізімге кіргеніне қатысты басылым мынадай себептерді келтірді: Криштиану 2021/22 маусымында Португалия құрамасы тарихында үздік бомбардир атанды, Чемпиондар лигасы топтық кезеңінде алты гол салып, "Манчестер Юнайтедке" плей-офф кезеңге шығуға көмектесті, сондай-ақ, маусымды 49 ойында 32 гол салып аяқтады.  

Месси 2005 жылдан алғаш рет "Алтын доп" үміткерлері тізіміне кірмеді