Футбол
Кеше 11:25

Франция плей-оффке өтісімен Зидан Мбаппенің "үкімін" айтты

©Depositphotos/mrogowski_photography

Франция құрамасының бас бапкері Зинедин Зидан Ұлттар лигасының топтық кезеңіндегі Түркияға қарсы соңғы матчта команда капитаны әрі мадридтік "Реалдың" шабуылшысы Килиан Мбаппенің ойынына баға берді. Франциялықтар бұл кездесуде 2:1 есебімен жеңіске жеткен еді, деп хабарлайды Vesti.kz.

Мбаппенің ойынына Зиданның көңілі толды

Франция құрамасының капитаны алаңда 90 минут бойы өнер көрсетті. Алайда бұл жолы нәтижелі әрекетімен көзге түсе алмады. Айта кетейік, бұған дейінгі жеті матчтың барлығында шабуылшы қарсылас қақпасына гол соққан болатын.

"Килианның ойынына өте ризамын. Ол команда үшін көп жұмыс істеді және екі-үш гол соғуға лайық еді. Алайда Түркия қақпашысы бірнеше тамаша сейв жасады.

Мбаппе гол соғатын мүмкіндіктерді өзі қалыптастырды. Допсыз сәттердегі ойны да ұнады. Ол капитандық міндетін керемет атқарды", – деді Зидан TF1 телеарнасына берген сұхбатында.

Франция Ұлттар лигасының плей-офф кезеңіне топтан бірінші орынмен өтті

Франция құрамасы топтық кезеңді А тобында 13 ұпаймен бірінші орынға аяқтап, плей-офф кезеңіне жолдама алды.

Екінші орынды 12 ұпай жинаған Бельгия иеленді. Италия 10 ұпаймен үшінші сатыға жайғасса, Түркия құрамасы бірде-бір ұпай жинай алмады.

Vesti.kz сайтын осы әлеуметтік желілерінде оқыңыздар

@vestisport @vestikzsport

Vesti-де Tik Tok та бар @vestikzsport