Бүгін, 16 маусымнан 17 маусымға қараған түні футболдан 2026 жылғы әлем чемпионаты аясында Франция мен Сенегал құрамалары кездеседі, деп хабарлайды Vesti.kz.
Франция – Сенегал матчын қайдан көруге болады?
I тобының алғашқы турындағы ойын АҚШ-тың Нью-Джерси штатындағы Ист-Ратерфорд қаласында өтеді. Кездесу Қазақстан уақытымен сағат 00:00-де басталады.
Матчтың тікелей трансляциясын Qazsport телеарнасы көрсетеді. Сондай-ақ жанкүйерлер ойынды телеарнаның ресми сайты арқылы да тамашалай алады.
Матч алдындағы қызықты деректер
Франция мен Сенегал бұған дейін 2002 жылғы әлем чемпионатының топтық кезеңінде кездескен. Сол ойында сенегалдықтар 1:0 есебімен сенсациялық жеңіске жеткен;
Франция құрамасы соңғы 11 матчтың тек біреуінде ғана жеңілген;
Францияның соңғы бес ойынында екі команда да гол соққан;
Француздардың соңғы тоғыз кездесуі нәтижелі өткен;
Сенегал құрамасы соңғы екі матчында жеңіске жете алған жоқ (бір тең ойын, бір жеңіліс);
Сенегал соңғы 12 матчында небәрі екі рет жеңілген;
Сенегал құрамасының әлем чемпионаттарындағы ең жоғары жетістігі – ширек финал;
ФИФА рейтингінде Франция үшінші орында тұрса, Сенегал 15-сатыда орналасқан.
Келесі турдағы матчтар
Екінші турда Франция құрамасы 23 маусым күні Иракпен кездеседі. Ал дәл сол күні Сенегал құрамасы Норвегияға қарсы алаңға шығады.
Еске салайық, ӘЧ-2026 турнирі АҚШ, Канада және Мексикада өтіп жатыр. Әлем біріншілігіне алғаш рет 48 құрама қатысуда.
Жарнама