Франция ұлттық құрамасы 2026 жылғы әлем чемпионаты қарсаңындағы жолдастық матчта Кот-д'Ивуар командасынан ұтылып қалды, деп хабарлайды Vesti.kz.
Кездесу Францияның Нант қаласындағы "Ля Божуар - Луи Фонтено" стадионында өтіп, 2:1 есебімен қонақтардың жеңісімен бітті. Алаң иелері сапынан Райан Шерки 45-минутта гол соқты.
Жеңімпаздар құрамынан Гела Дуэ (53-минут) мен Амад Диалло (84-минут) мергендік танытты. Айта кетейік, Гела Дуэ – Франция құрамасының футболшысы Дезире Дуэнің ағасы.
2026 жылғы әлем чемпионаты басталғанға дейін Франция құрамасы 8 маусым күні Солтүстік Ирландия командасына қарсы тағы бір жолдастық матч өткізеді.
2026 жылғы әлем чемпионатында Франция құрамасы I тобында өнер көрсетеді. Оның қарсыластары – Сенегал, Ирак және Норвегия құрамалары.
Ал Кот-д'Ивуар құрамасы Е тобында Эквадор, Германия және Кюрасао командаларымен күш сынасады.
2026 жылғы әлем чемпионаты 11 маусым мен 19 шілде аралығында АҚШ, Мексика және Канадада өтеді.
Жарнама