Франция құрамасы 2026 жылғы әлем чемпионатына дайындық аясындағы кезекті жолдастық матчында сәтті өнер көрсетті. Вильнёв-д'Аск қаласындағы "Декатлон Арена - Пьер-Моруа" стадионында өткен кездесуде Дидье Дешам шәкірттері Солтүстік Ирландия құрамасын 3:1 есебімен таза ұтты, деп хабарлайды Vesti.kz.
Олисе үзіліске дейін есеп аштыФранцуздар матчтың басым бөлігінде ойын тізгінін өз қолында ұстап, осы басымдықпен үзіліске аз уақыт қалғанда гол соқты. Кездесудің 43-минутында вингер Майкл Олисе дәл соққымен алаң иелерін алға шығарды.
Екінші тайм басталғаннан кейін көп ұзамай мюнхендік "Баварияның" футболшысы тағы да назарға ілікті. 49-минутта Олисе дубль авторы атанып, өз командасының басымдығын арттырды.
Солтүстік Ирландия есеп айырмасын қысқарта алдыҚонақтар күрессіз берілгісі келмей, 64-минутта матчтағы интриганы қайта жандандырды. Гол авторы Патрик Келли болып, есеп айырмасын минимумға дейін қысқартты.
Алайда солтүстік ирландиялықтар бұл сәттілікті ары қарай дамыта алмады.
Олисенің хет-тригі матч нүктесін қойдыКездесудің соңғы нәтижесі 75-минутта тіркелді. Майкл Олисе француздардың тағы бір нәтижелі шабуылын сәтті аяқтап, хет-трик жасады және матчтың басты қаһарманына айналды.
Осылайша, Франция құрамасы 3:1 есебімен таза жеңіске жетіп отыр.
Франция құрамасы 2026 жылғы әлем чемпионатына қатысады. Турнирдің топтық кезеңінде "үштүстілер" I тобында Сенегал, Ирак және Норвегия құрамаларымен бірге бақ сынайды.
Ал Солтүстік Ирландия әлем чемпионатына жолдама ала алмады. Еуропалық іріктеу кезеңінің плей-офф сатысында команда жартылай финалда Италия құрамасына 0:2 есебімен есе жіберіп, жарысты аяқтаған болатын.