Финляндиялық IS.fi басылымы Чемпиондар лигасының екінші іріктеу кезеңіндегі алматылық "Қайрат" пен финдік КуПС арасындағы қарымта ойынына қатысты кең ауқымды талдау жасады, деп хабарлайды Vesti.kz.
Жақсы бастама мен Алматыдағы күйреуМатериал авторлары КуПС командасы алғашқы ойында 2:0 есебімен жеңіп, қорғаныста және шабуылға ауысуда жақсы ұйымдасқандай көрінгенін еске салады. Сол себепті финдердің жағдайы матч алдындағы болжамдарда сенімдірек көрінген.
Алайда Алматыда бәрі басқаша өрбіді. Жанкүйерлер күшті қолдауына ие болған алаң иелері КуПС-қа қысым көрсетіп, үш жауапсыз гол соқты. Фин журналистерінің мәліметінше, "Қайрат" қарсылас қақпасына 21 соққы жасаған, ал КуПС небәрі екі мәрте ғана жауап қайырған. Матч бойы алматылықтар Чемпиондар лигасы деңгейіндегі командадай ойнаса, қонақтар төменгі лига клубына ұқсап қалды.
Жоғалған сенім, қысым және ойын жоспарының болмауыМатериалда КуПС үшін маңызды ойын алдындағы мықты ойыншыдан айырылғаны атап өтілген - негізгі қақпашы Йоханнес Крайдль сырқатына байланысты матчтан тыс қалды. Оның орнына шыққан жас голкипер Аату Хакала бірінші гол кезінде қателікке бой алдырды және жалпы сенімсіз ойнады.
Сонымен қатар, авторлар КуПС-тың тактикалық жоспары толық күйрегенін атап өтті. Допқа иелік еткенде жиі қателіктерге бой алдырған команда асығыстықпен әрекет етті, комбинациялық ойын мүлде жүрмеді. Бұл жағдай қорғаныстағы қысымды одан әрі күшейтті.
Басылым мойындады: финляндиялық командалар сырт алаңда бұндай күшті қысымға өте сирек түседі. Ал екі голдық басымдықтың өзі КуПС-ты бұл жолы құтқара алмады.
Жоғалған мүмкіндік және еуромаусымды аяқтау қаупіАвторлар атап өткендей, еурокубоктар фин командасы үшін аса маңызды: келесі кезеңге өту КуПС-қа бірнеше миллион еуро көлемінде сыйақы әкелер еді - бұл клубтың жылдық бюджетінен де жоғары. Енді бұл қаражатқа жету үшін командаға Еуропа лигасы немесе Конференция лигасы іріктеуінің қалған ойындарын сәтті өткізу қажет.
Фин журналистері материалды келесідей қорытындылады: "Алматыда көргеніміздей қорқыныш пен сенімсіздікпен тарих жасау мүмкін емес. Егер команда өзгермесе, бұл маусым тек "қатысушы дипломымен" аяқталуы ықтимал".
Айта кетейік, "Қайрат" өз тарихында алғаш рет Чемпиондар лигасының үшінші іріктеу кезеңіне шықты.