"Тобылдың" футболшысы Азат Нұрғалиев 2022 жылы Катар жерінде өтетін әлем чемпионатының іріктеуінде Финлияндия құрамасына қарсы кездесуге қатыса алмайды. Бұл туралы инсайдер Айдын Қожахмет хабарлады.
"Финлияндия құрамасына қарсы визасына байланысты Зайнутдиновтен басқа футболшылар да қатыса алмайды.
Қазақстан футбол федерациясы Финлияндия мен Босния және Герцоговиния елшілігіне құжат тапсырғанда еурокубок ойындары болып жатты. Сондықтан барлық футболшылар виза алу үшін құжат тапсырып үлгере алмады. Сондықтан да алдағы кездесуге қатыса алмайтын тағы басқа футболшылар бар. Тарқатып айтсақ, менің ақпаратым бойынша Азат Нұрғалиев Финлияндияда ойнай алмайды.
Жағдай мынадай: команда Нұр-Сұлтаннан ұшып кетті. Финлияндиялықтар ұшып келген соң виза мәселесін шешеміз деген. Бірақ мәселенің шешілені анық емес.
Одан ары қарай Сараеваға да бару керек қой. Ол жаққа баруға да бірнеше футболшылар қиындыққа тап болуы мүмкін. Менің ақпаратым бойынша, тағы үш не төрт футболшы алдағы ойындарға қатыса алмай қалуы ықтимал.
Енді ғана кеше Талғат Маруаұлының алдағы ойындарда құрама 80 пайызға өзгереде деп айтқанын түсініп жатырмын", - деп жазды дереккөз.
Зайнутдинов пен Нұрғалиев Нұр-Сұлтанда қалып, федерациямен Босния және Герцоговинияға виза алу мәселесін шешіп жатыр. Ал Олжас Керімжанов пен Нұрлан Дайыров өз клубтарының қатарына кеткен. Олар алдағы кездесулерге қатыспайды.
Еске салайық, Қазақстан құрамасы Финлияндияға қарсы кездесуін 4 қыркүйек, ал Босния және Герцоговинияға қарсы 7 қыркүйек матч өткізеді.