ФИФА Сенегал футбол федерациясына 10 мың швейцариялық франкқа жазалады. Бұған себеп құраманың БАҚ қатысты шартты бұзуы болған.
Сенегал мен Эквадор құрамалары арасындағы кездесудің алдындағы баспасөз жиына Африка құрлығы құрамасының футболшысы қатыспаған. Осыған байланысты Сенегал футбол федерациясына айыппұл салынды.
Еске салайық, бұл кездесуде Сенегал 2:1 есебімен Эквадор құрамасын жеңіп, А тобында екінші орын алып 1/8 финалға шықты. Енді плей-офф кезеңінде Сенегал 4 желтоқсан күні Англияға қарсы ойын өткізеді.