ФИФА екі маңызды турнирдің өтетін елдерді ресми түрде жариялады, деп хабарлайды Vesti.kz.
Ұйымның баспасөз қызметінің мәліметінше, 2027 жылғы 20 жасқа дейінгі жастар арасындағы әлем чемпионатын Әзербайжан мен Өзбекстан бірлесіп қабылдайды.
Сонымен қатар, 2026 жылы әйелдер арасындағы алғашқы ФИФА чемпиондар кубогінің финалдық кезеңі Лондонда өтеді. Бұл шешім ұйымның әлемдік деңгейде әйелдер футболын дамытуға деген ұстанымын айқын көрсетеді.
Бұған дейін ФИФА футболдағы пенальти ережелеріне өзгерістер енгізу туралы шешім қабылдаған болатын.