Еуроның плей-офф кезеңінде қай командалар бір-біріне қарсы ойнайтыны айнықталды

Футболдан Германияда өтіп жатқан Еуропа чемпионатының топтық кезеңі аяқталды. Топтық кезең қорытындысы бойынша 1/8 финалға шыққан барлық құрама белгілі болды.

Плей-оффқа шыққан құрамалар алдын ала дайындалған кесте бойынша бір-біріне қарсылас атанды. 1/8 финалдан бастап жеңілген құрамалар жарысты аяқтайды. Олай болса бір-бірімен кездесетін құрамалар жұбы төмендегідей: 

Испания — Грузия
Германия — Дания
Португалия — Словения
Франция — Бельгия
Румыния — Нидерланд
Австрия — Түркия
Англия — Словакия
Швейцария — Италия

1/8 финалдың бірінші ойыны 29 маусым күні Швейцария – Италия құрамалары арасындағы кездесумен басталады. Соңғы ойын 2 шілде күні өтеді. 5-6 шілдеде – ширек финал, 9-10 шілдеге жартылай финалдық ойындар жоспарланған. Финал 14 шілдеде өтеді.