Испания құрамасы футболдан Еуропа чемпионатында Польшамен тең түсті, деп хабарлайды Vesti.kz.
E тобындағы кездесу Севильяда өтіп, 1:1 есебімен аяқталды.
Ойынның 25-ші минутында Альваро Мората Испания құрамасын алға шығарды, алайда, 54-ші минутта Роберт Левандовски есепті теңестірді.
58-ші минутта Испания құрамасының шабуылшысы Жерар Морено пенальтиді сәтсіз орындады да, есеп өзгеріссіз қалды.
Польша командасы Еуро-2020 турнирінде бірінші ұпайын еншіледі. Ал Испания қатарынан екінші ойынды тең аяқтап отыр.