Мадридтік "Реал" Ибраим Конатені сапына қосқанымен, тағы бір мықты қорғаушыны қатарға қосуды көздеп отыр, деп хабарлайды Vesti.kz AS басылымына сілтеме жасап.
"Реалдың" жаңа нысанасы – Гвардиол"Корольдік клуб" енді "Манчестер Ситидің" орталық қорғаушысы Йошко Гвардиолды сатып алу мүмкіндігін қарастырып жатыр.
Флорентино Перес президенттік сайлауда жеңіске жеткен жағдайда, "Реал" хорватиялық футболшыны трансферлеуге тырысуы мүмкін.
Гвардиол "Реалда" ойнағысы келедіДереккөз мәліметінше, Гвардиолдың өзі мадридтік клуб сапында өнер көрсетуге ниетті. Футболшының өкілдері қорғаушыны "Реалға" ұсынған, ал испаниялық клуб бұл ұсынысқа қызығушылық танытып отыр.
"Реал" Гвардиол үшін қомақты қаржы төлеуге дайын болғанымен, ойыншыны кез келген бағаға сатып алмақ емес.
Хорватиялық қорғаушы 2023 жылы "Лейпцигтен" 90 миллион еуроға ауысқан еді. Бұл – футбол тарихындағы қорғаушы үшін төленген ең қымбат трансферлердің бірі. Оның "Манчестер Ситимен" келісімшарты 2028 жылға дейін жарамды болғандықтан, ойыншының бағасы жоғары болатыны анық.
Сонымен қатар, қорғаушының өзі "Реалға" ауысуға мүдделі болуы трансфер құнының төмендеуіне әсер етуі мүмкін. Әсіресе, "Ситиден" бас бапкер Пеп Гвардиоланың кеткенінен кейін бұл ықтималдық арта түскен.
Дегенмен "Манчестер Сити" 24 жастағы қорғаушымен қоштасуға ниетті емес.
Йошко Гвардиол "қалалықтар" сапында 2023 жылдың жазынан бері өнер көрсетіп келеді. Transfermarkt порталының мәліметі бойынша, футболшының нарықтық құны 70 миллион еуроға бағаланады.
Өткен маусымда 24 жастағы қорғаушы "Манчестер Сити" сапында барлық турнирде 25 матч өткізіп, 2 гол соқты және 5 нәтижелі пас берді. Ол жіліншік сүйегінің сынуына байланысты маусымның едәуір бөлігін өткізіп алды.