Футболдан Қазақстан құрамасының жартылай қорғаушысы Бахтиер Зайнутдиновтің агенті футболшының Қазақстаннан Ресейге қашан баратынын айтты, деп жазады "Спорт-экспресс" басылымы.
Қазіргі уақытта ЦСКА командасы Зайнутдиновті қашан келеді деп күтіп отыр.
"Бахтиердің жағдайы жақсы. Ол бүгін Ресейге ұшып барып, командасының қатарына қосылып үлгереді", - деді футболшының агенті Новиков.
Ал "Чемпионат" порталының ақпараты бойынша, Қазақстан жерінде жүрген Зайнутдиновке мәскеулік клуб 4 және 6 қаңтар аралығында байланысқа шыға алмаған. Кейінірек футболшының өзі хабарласып, жағдайының жақсы екенін айтқан.