Францияның "Пари Сен-Жермен" клубы УЕФА Чемпиондар лигасының жаңа маусымына қатысатын футболшылар тізімін жариялады. Турнирдің қазіргі жеңімпазының өтініміне 24 ойыншы енді, деп хабарлайды Vesti.kz.
ПСЖ-ның Чемпиондар лигасы-2026/27 маусымындағы құрамы
Париждік клубтың бас бапкері Луис Энрике жасақтаған тізімге БАҚ мәліметінше, жаңа келісімшарт бойынша келіссөз жүргізіп жатқан жұлдызды вингерлер - франциялық Усман Дембеле мен грузиялық Хвича Кварацхелия да енді. Ресей құрамасының қақпашысы Матвей Сафонов та өтінімге енгізілді.
ПСЖ-ның толық құрамы төмендегідей:
Қақпашылар:
Лукас Шевалье,
Матвей Сафонов,
Алессандро Лонгони.
Қорғаушылар:
Ашраф Хакими,
Лукас Беральдо,
Маркиньос,
Илья Забарный,
Люка Динь,
Люка Эрнандес,
Нуну Мендеш,
Вильян Пачо.
Жартылай қорғаушылар:
Фабиан Руис,
Магнес Аклиуш,
Витинья,
Сенни Меюлю,
Дро Фернандес,
Уоррен Заир-Эмери,
Жоау Невеш.
Шабуылшылар:
Хвича Кварацхелия,
Ферран Торрес,
Усман Дембеле,
Дезире Дуэ,
Мика Годтс,
Кентен Нджантю.
ПСЖ үшінші титулға ұмтылады
Энрике шәкірттері Еуропадағы соңғы екі маусымда қатарынан Чемпиондар лигасының кубогін жеңіп алды. 14 дүркін Франция чемпионының бас бапкері бұған дейін командасының қатарынан үшінші трофейін иеленуге ниетті екенін бірнеше рет мәлімдеген болатын.
ПСЖ титулды қорғау жолындағы алғашқы матчын 10 қыркүйекке қараған түні Словакияның Братислава қаласынан келген "Слованға" қарсы өз алаңында өткізеді.
Лига кезеңінде париждіктер бұдан бөлек ағылшындық "Манчестер Ситимен", каталондық "Барселонамен", испаниялық "Вильярреалмен", италиялық "Ромамен", Бирмингемнің "Астон Вилласымен", италиялық "Комомен" және Ыстамбұлдың "Галатасарайымен" кездеседі.
Жарнама