Дастан Сатпаев мансабын француз командасында жалғастыруы мүмкін

Қазақстандық жас футболшы Дастан Сатпаевтың мансабына қатысты тағы бір жаңалық жарияланды, - деп жазады Vesti.kz. 

17 жастағы отандасымыз Францияның «Страсбург» клубына ауысуы мүмкін. Бұл туралы ағылшын инсайдерлеріне сілтеме жасап goalkz_official хабарлады.

Мәліметке сәйкес, «Челси» қазақстандық футболшыны тәжірибе жинау үшін француз клубына жалға беруді жоспарлап отыр.

Қазіргі уақытта «Страсбург» Франция чемпионатының 9 турында 16 ұпай жинап, Лига 1 турнир кестесінде 9-орында тұр.