Алматылық "Қайрат" клубы Чемпиондар лигасының үшінші іріктеу кезеңіндегі алғашқы матчта Болгарияның "Левски" командасына есе жіберді, деп хабарлайды Vesti.kz.
Софияда өткен кездесу алаң иелерінің пайдасына 1:0 есебімен аяқталды.
Жеңіс голы қосымша уақытта соғылды
Матчтағы жалғыз гол 90+2-минутта тіркелді.
"Левскидің" жартылай қорғаушысы Сержинью айып алаңының сыртынан қақпаға соққы жасап көрді. Доп жолда "Қайрат" капитаны Александр Мартыновичке тиіп, бағытын өзгерткен соң қақпашы Темірлан Анарбековті жаңылыстырып, тордан бір-ақ шықты.
Қарымта матч Түркістанда өтеді
Командалар арасындағы қарымта кездесу 11 тамызда Түркістанда өтеді.
Екі ойынның қорытындысы бойынша жеңіске жеткен клуб Чемпиондар лигасы іріктеу кезеңінің плей-офф сатысында Грекияның АЕК клубымен кездеседі.
Ал бұл жұпта жеңілген команда Еуропа лигасының плей-офф кезеңінде ПАОК (Грекия) пен "Андерлехт" (Бельгия) жұбының жеңімпазымен ойнайды.
Жарнама