Қазіргі таңда Сауд Арабиясының "Әл-Иттифак" клубында өнер көрсетіп жүрген Нидерланд құрамасының жартылай қорғаушысы Джоржиньо Вейналдум Еуропаға қайта оралуы мүмкін, деп хабарлайды Vesti.kz сайты Sky Sports-қа сілтеме жасап.
35 жастағы футболшы мансабын қайтадан Англия премьер-лигасында жалғастыруды қалайды. Ол бұған дейін "Ньюкасл" және "Ливерпуль" клубтарының намысын қорғаған.
Вейналдумның саудиялық клубпен келісімшарты осы маусымның соңында аяқталады. Ол "Әл-Иттифак" сапында соңғы үш маусымды өткізді. Биылғы маусымда жартылай қорғаушы 14 гол соғып, алты нәтижелі пас берді.
Айта кетейік, Вейналдум "Ливерпуль" құрамында бес маусым ойнап, клубпен бірге Англия премьер-лигасын және Чемпиондар лигасын жеңіп алған. Ал 2021 жылдың жазында еркін агент ретінде "Пари Сен-Жерменге" ауысқан.
Сонымен қатар, ол Нидерланд құрамасы сапында 2014 жылғы әлем чемпионатының қола жүлдегері және 2024 жылғы Еуропа чемпионы атанған.