«Манчестер Юнайтед» клубының жартылай қорғаушысы, бразилиялық Каземиро маусым аяқталысымен ағылшын клубынан кетеді. 32 жастағы бразилиялық футболшының келісімшарты жазда аяқталады және тараптар келісімді ұзартпайтын болып келісті, деп хабарлайды Vesti.kz.
Алдағы қоштасу туралы «қызыл сайтанның» баспасөз қызметі хабарлап, ойыншыға команданың нәтижелеріне қосқан үлесі үшін алғыс білдірді және маусымды манкуниандықтар сапында лайықты түрде аяқтайды деген үмітін жеткізді.
Каземиро «Манчестер Юнайтед» клубына 2022 жылы карьерасының үздік жылдарын өткізген мадридтік «Реалдан» ауысып келді. Биылғы маусымда жартылай қорғаушы негізгі құрамда 18 матчқа қатысып, төрт гол соғып және бір нәтижелі пас берді.
ℹ️ @Casemiro will depart United at the end of the season, upon the expiry of his contract.
— Manchester United (@ManUtd) January 22, 2026
A serial winner, we thank Case for his contributions in red so far and hope to finish his time at the club on a high together ??
«Реал» сапында ойнаған кезеңде Каземиро өз буынындағы титулдары ең көп негізгі жартылай қорғаушылардың бірі атанды. Оның еншісінде Чемпиондар лигасындағы бес жеңіс, Испания чемпионатының үш титулы, Испания Кубогы мен Суперкубогы, сондай-ақ клубтар арасындағы әлем чемпионаты мен УЕФА Суперкубогы бар. Ол сондай-ақ, Бразилия құрамасы сапында Америка Кубогы мен Оңтүстік Америка Суперкубогын жеңіп алған.
Transfermarkt порталының мәліметі бойынша, Каземироның қазіргі нарықтық құны 8 миллион еуроға бағаланады.
Жарнама