Бүгін, 7 шілде күні "Қайрат" пен "Аят" қатысатын футзалдан Чемпиондар лигасының жеребесі тартылды, деп жазады Vesti.kz тілшісі.
Қазақстанның екі клубы да турнирді негізгі кезеңнен бастайды.
Жеребенің қорытындысы бойынша, "Қайрат" 1 топқа түсті. Алматылық командамен бірге "Спортинг Париж" (Франция), "Спортинг-Андерлхет" (Бельгия) және "Мальорка" (Испания) командалары бар.
Ал "Аят" 2-топта "Ново Время" , "Пула" және "Спортинг" командаларымен бірге түсті.
Ойындар 25-30 қазан аралығында өтеді. Әр топтан элиталық кезеңге бір командадан шығады.