Лондондық "Челси" Чемпиондар лигасының жалпы кезеңінің 5-турында "Барселонаны" ірі есеппен ұтты, деп хабарлайды Vesti.kz.
Кездесу Лондонда "Стэмфорд Бридж" стадионында өтті және 3:0 есебімен аяқталды.
Алғашқы голды алаң иелері 27-минутта Жюль Кунденің өз қақпасына соққан добының арқасында тіркеді. Кейін Эстевао 55-минутта, ал Лиам Делап 73-минутта нәтижелі соққыларымен көзге түсті.
44-минуттан бастап қонақтар бір ойыншымен кем ойнады - Рональд Араухо қызыл карточка алып, бұл жағдай матчтің қорытындысына айтарлықтай әсер етті.
Қазіргі уақытта "Челси" 10 ұпаймен Чемпиондар лигасының жалпы кестесінде 5-орында, ал "Барселона" 7 ұпаймен 15-орында тұр.
9 желтоқсандағы 6-турда "Барселона" өз алаңында немістің "Айнтрахтын" қабылдайды, ал "Челси" сол күні сырт алаңда италиялық "Аталантамен" матч өткізеді.