Чемпиондар лигасы мен Еуропа лигасы коронавирусқа байланысты тоқтатылды
Чемпиондар лигасы мен Еуропа лигасының келесі аптаға жоспарланған барлық матчы коронавирустың тарауына байланысты шегерілді. Бұл туралы УЕФА-ның ресми сайты мәлім етті, - деп хабарлайды РИА Новости.
"Бұл матчтардың қашан өтетіні туралы шешім алдағы уақытта айтылады", - делінген хабарламада.
Сонымен қатар, еурокубоктардың 1/4 финалына жеребе рәсімі де басқа уақытқа ауысты.
Бұған дейін коронавирусқа байланысты Еуропаның футболдан бірқатар лигасы тоқтатылған болатын.