Лондондық "Челси" АПЛ-дің 31-ші турында "Манчестер Ситиді" ұтып, "Ливерпульдің" Англия чемпионы атануына ықпал етті, - деп хабарлайды
Vesti.kz.
Лондондағы "Стэмфорд Бридж" стадионында өткен кездесу 2:1 есебімен алаң иелерінің пайдасына аяқталды. "Челси" сапында Кристиан Пулишич (36-шы минут) және Виллиан (78, пенальти) гол салды. "Ситиде" Кевин де Брейне (55) көзге түсті. "МанСити" ойын соңына таман азшылықта қалғанын айта кетейік - 77-ші минутта Фернандиньо алаңнан қуылды.
Осы ойыннан кейін турнир кестесінде екінші екінші келе жатқан "МанСити" 63 баллмен ғана қалды. Осылайша, Хосеп Гвардиола жаттықтыратын команда 86 ұпай жинаған "Ливерпульге" жете алмады. Төртінші орындағы "Челсиде" 54 балл.
Ал "Ливерпуль" 1989/90 маусымынан кейін бірінші рет Англия чемпионы болып отыр. Бұл Юрген Клопп жаттықтыратын команданың ел чемпионатындағы 19-шы жеңісі. Осы көрсеткіш бойынша көшбасшы "Манчестер Юнайтед" - 20 жеңіс.
2 шілдеде өтетін келесі турда, "Манчестер Сити" өз алаңында "Ливерпульмен" ойын өткізеді.