Аргентина құрамасы мен "Интер Майами" командасының ойыншысы Лионель Месси португалдық футболшы Криштиану Роналду жайлы көзқарасын айтты, - деп хабарлайды Vesti.kz.
Екі футболшы ұзақ жылдар бойы Еуропада басты бәсекелес болды. Қазір Месси АҚШ-та болса, Роналду Сауд Арабиясы чемпионатында ойнап жүр.
«Мен Криштиануға үлкен құрметпен қараймын әрі оның мансабына тәнтімін — ол не істеді және әлі де жоғары деңгейде өнер көрсетіп жүр. Оның бізбен бәсекелестігі алаңда жүрді… Әрқайсымыз өз командамыз үшін барымызды салуға тырыстық. Барлығы тек алаңда қалатын. Алаңнан тыс біз – қарапайым жігіттерміз. Дос емеспіз, себебі бірге уақыт өткізбейміз, бірақ әрқашан бір-бірімізге үлкен құрметпен қарадық», – деп келтіреді Мессидің сөзін журналист Фабрицио Романо әлеуметтік желіде.
? Leo Messi: “I have a lot of respect and admiration for Cristiano Ronaldo, and for the career he’s had and continues to have. He is still competing at the highest level”.
— Fabrizio Romano (@FabrizioRomano) June 20, 2025
“The competition with him was on the pitch… Each of us wanted to do the best for our team. Everything… pic.twitter.com/YedPMhWqlB
Месси мен Роналду талай мәрте алаңда жолыққан, әсіресе Месси "Барселонада", ал Роналду мадридтік "Реалда" ойнаған кезде. Олардың Ла Лигадағы дуэльдері он жыл бойы әлемдік футболдың басты қызықтарының бірі болды.
Жарнама