Италия чемпионатында "Сампдория" футбол командасы "Наполиді" ойсырата жеңді.
Генуяда өткен кездесу алаң иелерінің жеңісімен (3:0 есеп) аяқталды. Грегуар Дефрель 11 минутта есеп ашып, 32 минутта дубль жасады, ал 75 минутта Фабио Квальярелла қонақтар қақпасына үшінші допты салды.
Үшінші гол ойын сәніне айналғанын айта кетейік. 35 жастағы Квальярелла қақпаға 11 метр жерде кері қарап тұрып, допты өкшесімен салды.
Гол салғанына қуанған соң, Квальярелла белгі беріп, "Наполи" үшін екінші рет ойнап жатқан қақпашы Давид Оспинадан кешірім сұрады.
Квальярелла "Сампдория" үшін 2016 жылдан бері ойнап келеді. Өткен маусымдағы А сериясында ол 35 матч өткізіп, 19 гол салды. Ал 2009/10 маусымында форвард "Наполи" сапында ойнаған еді.
Жарнама