"Штутгарт" клубының бас бапкері Пеллегрино Матаррацо қызметінен кетті, деп хабарлайды Vesti.kz тілшісі.
44 жастағы америкалық маман команданы 2019 жылдың желтоқсан айынан бері жаттықтырып келген еді.
Биылғы маусымда "Штутгарт" 9 турдың қорытындысы бойынша турнир кестесінде 17-орынға табан тіреді. Матаррацо ойыншылары әзірге бірде-бір матчта жеңіске жетпеген.
Енді "Штутгарт" Бундеслигадағы келесі кездесуін 15 қазан күні өз алаңында "Бохумға" қарсы өткізеді.