Бүгін, 4 тамызда алматылық "Қайрат" Чемпиондар лигасының үшінші іріктеу кезеңіндегі алғашқы матчын өткізеді, деп хабарлайды Vesti.kz.
Матчты қайдан және қашан көруге болады?Кездесу Болгария астанасы Софияда өтеді. Матч Қазақстан уақытымен 22:30-да басталады.
Ойынға литвалық төрешілер бригадасы қызмет көрсетеді. Бас төреші – Донатас Румшас, ал VAR жүйесіне швейцариялық Федайи Сан жауапты болады.
Кездесу Qazsport телеарнасынан тікелей эфирде көрсетіледі.
Жеңімпазды не күтіп тұр?Екі матчтың қорытындысы бойынша жеңіске жеткен команда Чемпиондар лигасы іріктеу кезеңінің плей-офф сатысына жолдама алып, Грекияның АЕК (Афина) клубымен кездеседі.
Қарымта матч 11 тамызда Түркістанда өтеді. Ойын 20:00-де басталады.
Қазақстан чемпионы осы кезеңге дейін екі қарсыласын жарыс жолынан шығарды. Алғашқы іріктеу кезеңінде алматылықтар Черногорияның "Сутьеска" клубын екі матчта да жеңді – 2:1 және 2:0.
Екінші кезеңде "Қайрат" алғашқы кездесуде Кипрдің "Омониясына" 0:1 есебімен есе жібергенімен, өз алаңында дәл сондай есеппен жеңіске жетті – 1:0. Жолдама тағдыры пенальти сериясында шешіліп, онда қазақстандық клуб 6:5 есебімен басым түсті.