Бүгін, 8 шілдеде алматылық "Қайрат" Чемпиондар лигасының бірінші іріктеу кезеңіндегі алғашқы матчында черногориялық "Сутьескамен" ойнайды, деп хабарлайды Vesti.kz.
Кездесу Алматыда өтіп, Қазақстан уақытымен сағат 20:00-де басталады. Матчты Qazsport телеарнасы тікелей эфирде көрсетеді. Сондай-ақ, трансляция арнаның ресми сайтында да қолжетімді болады.
Қарымта кездесу 16 шілдеде Черногорияда өтеді.
Айта кетейік, бұл командалар бұған дейін бір-бірімен кездеспеген.
Егер "Қайрат" "Сутьесканы" ұтса, онда кем дегенде Конференциялар лигасы іріктеуінің плей-офф кезеңіне қатыса алады. Ал алматылық клуб осы қарсыласынан өте алмаса, Чемпиондар лигасындағы жорығын аяқтап, Конференциялар лигасының екінші іріктеу кезеңіне түседі. Бұл жағдайда команда Еуропа лигасына жолдама алу мүмкіндігінен айырылады.
Жарнама