Бүгін, 7 наурызға қараған түні алматылық "Қайрат" футзал клубы Чемпиондар лигасының 1/4 финалындағы қарымта матчта Испанияның "Картахена" командасымен кездеседі, деп хабарлайды Vesti.kz.
Кездесу Испанияда өтеді және Қазақстан уақытымен 00:30-да басталады. Матчтың тікелей трансляциясы Qazaqstan телеарнасынан көрсетіледі. Эфир 00:20-да басталады.
Еске салайық, Алматыда өткен алғашқы матчта испаниялық клуб 2:1 есебімен жеңіске жеткен болатын.
Айта кетейік, футзалдан биылғы Чемпиондар лигасында Қазақстан атынан тағы бір клуб - "Семей" өнер көрсетіп жатыр. Бүгін қазақстандық команда 1/4 финалдың қарымта матчында өз алаңында франциялық "Этуаль" клубымен кездеседі. Алғашқы ойында "Семей" 5:4 есебімен ұтылған еді.
Турнирдің финалдық кезеңі 8–10 мамыр аралығында Италияның Пезаро қаласында өтеді.
Жарнама