2026 жылғы футболдан әлем чемпионатының 1/16 финалында Бразилия құрамасының қарсыласы анықталды, деп хабарлайды Vesti.kz.
Плей-оффтың алғашқы кезеңінде бес дүркін әлем чемпиондары Жапония құрамасымен кездеседі. Жапониялықтар F тобында екінші орын алды.
Жапония топтық кезеңнің соңғы турында Швециямен 1:1 есебімен тең ойнап, өзіне плей-офф жолдамасын қамтамасыз етті. Команда үш матчта бес ұпай жинап, топта Нидерландтан кейін екінші орынға тұрақтады.
Еске салайық, Бразилия құрамасы да топтық кезеңнің соңғы турында Шотландияны 3:0 есебімен ұтып, С тобында бірінші орынмен плей-оффқа өткен болатын.
Бразилия мен Жапония арасындағы 1/16 финал матчы 29 маусым күні АҚШ-тың Хьюстон қаласында өтеді. Кездесу Астана уақытымен сағат 22:00-де басталады.