ПСЖ клубына жазғы трансферлік маусымда "Барселонадан" ауысқан Лионель Месси мен "Реалдан" келген Серхио Рамос әлі күнге дейін достық қарым-қатынас орнатпаған. Бұл туралы Францияның L’Equipe басылымы жазады.
Басылымның мәліметінше, испаниялық қорғаушы париждіктердің бірқатар футболшысымен жылы қатынас орнатқан. Рамос пен Месси екеуінің бір-біріне сәлемдері түзу болғанымен, 10 жылдан астам уақытта "Барселона" мен "Реал" арасындағы "эль классико" матчтары өз ізін қалдырғанға ұқсайды.
Айта кетейік, Рамос 2005-2021 жылдар аралығында "корольдік" клуб сапында доп тепсе, аргентиналық шабуылшы "блаугрананың" намысын 2003-2021 жылдары қорғады. Бір қызығы екеуі де "эль классикода" 45 ойыннан өткізген.